من و آنتوان روکانتن
بیلیم یوردوندا کولتورل دارتیشمالاردان سونرا اورک سیخینتی سیندان، یالنیز بیر خیالی سئچنگه سیغینارام. بو آلتئرناتیوی خایالیمدا داورانیش یاخیمیندان اؤنجول سانیرام. چون منده "آنتوان روکانتن" کیمی (رجاله)لرله قارشی، اونلارین یالان دویغولاریندان، فورمالیته دوشونجه‌لریندن اوساناراق هر نسنه‌یه قارشی اوره گیم قالخیر. قاپالی باخیشلار، آشیری دویغولار، بیر اؤلچولو داورانیشلار بوتون داریسقال اؤزنه‌لردن تؤره‌نیر کی دوغولمامیشدان اؤنجه، باشلایاراق اؤله‌نه‌دک قات قات چئشیت فورمادا بیلینج آلتیمیزا یوکله‌نیر. البته بو سورونو گؤز اؤنونه آلاراق هر قونودا قارامسار دوشونمیرم بلکه یالنیز تأسوفله‌نیرم، یالین وارلیغین اؤنجولو، خیردالیق‌لارا قاتیلاراق قونومو ایتیر و باشقالارینا ساده‌جه قول اولور.
ا.ی1:آنتوان روکانتن، ژان پول سارترین "تهوع" آدلی رومانی‌نین ایگیدیدیر.
ا.ی2:چوخ زامانلاردا اؤزومدن‌ده اوره‌گیم قالخیر چونکی دوشوندیگیم کیمی داورانمیرام.
